20 янв 12:07
Янгиликлар

Теннис

Australian Open. Возняцки ғалаба билан бошлади

Шу кунларда дунё теннис аҳлининг диққат-эътибори Мельбурн шаҳрида ўтказилаётган "Катта Дубулға" туркумига кирувчи Австралия Очиқ чемпионатига қаратилган.

Аёллар ўртасидаги яккалик баҳсларида ҳозирча кутилмаган натижалар қайд этилмаяпти. Дунёнинг 35-ракеткаси Каролин Возняцки илк даврада осон ғалабага эришди. Даниялик теннис маликаси рейтингнинг 92-поғонасидан жой олган америкалик рақибаси Кристи Андан устун келди.

Возняцки 1 соату 25 дақиқа давом этган баҳс якунида 6/1, 6/3 ҳисобида зафар қучди. Бу вақт оралиғида 29 ёшли Каролин битта, Ан эса биронта эйс зарбасини амалга ошира олмади. Бу теннисчиларнинг ўзаро илк учрашуви эди. Энди Возняцки иккинчи даврада украиналик Даяна Ястремская ва словениялик Кайя Йуван учрашуви ғолибасига қарши кортга чиқади.