09 фев 19:38
Янгиликлар

Бокс/ММА

Авлиёхон Ҳамидовнинг ACA 170 турниридаги жанги жиддий жароҳат сабабли муддатидан олдин якунланди (Фото)

Хабар берганимиздек, бугун Россиянинг Москва шаҳрида ММА бўйича ACA 170 турнири ўтказилмоқда.

Мусобақанинг прелим карди доирасида ўзбекистонлик аралаш якка кураш устаси Авлиёхон Ҳамидов октагонга кўтарилди. Ярим енгил вазн тоифасидаги ҳамюртимиз мезбонлар вакили Саид-Магомед Батукаевга қарши жанг қилди.

3 раундга мўлжалланган жанг илк раунддаёқ якунланди. Унда афсуски, Авлиёхон Ҳамидов илк раундда бармоғини синдириб олди ва жангни давом эттира олмади. Бу ҳолатда ғалаба техник нокаут сифатида Саид-Магомед Батукаевга ёзилди.

Бу Саид-Магомед учун кетма-кет қўлга киритилган тўртинчи ғалаба бўлди.