Аёллар курашида тарихдаги илк йўлланмамизни қўлга киритган Актенге Кеунимжаева Олимпиадада кимлар билан рақобатлашади? (Барча тафсилотлар)

Мусобақада Ўзбекистон делегацияси, жумладан спорт курашлари бўйича терма жамоамиз ҳам иштирок этади. Олимпиадада 3 нафар эркин курашчимиз, 3 нафар юнон-рим курашчимиз ва ягона аёл курашчимиз гиламга чиқади.

Olamsport.com Бирлашган кураш дунёси (UWW) тасдиқлаган рўйхатга кўра спортчиларимизга турнир доирасида кимлар рақиб бўлиши ҳақида маълумот бериб боради.

Ўтган сонларда эркин курашчиларимиз Ғуломжон Абдуллаев, Разамбек Жамалов ва Жавраил Шапиевнинг бўлажак рақиблари ҳақида сўз юритган эдик.

Бугунги сонимизда аёллар курашида Ўзбекистон учун ёзги Олимпиадалар тарихидаги биринчи лицензияни тақдим этган Актенге Кеунимжаева ҳақида сўз боради.

Табиийки, Париж Олимпиадаси Актенге учун ҳам фаолиятидаги дебют Олимпиада ҳисобланади. У тўрт йилликнинг энг муҳим мусобақасида 50 кг вазн тоифасида баҳс олиб боради. Актенгенинг Париждаги чиқиши 6-7 август кунларига тўғри келади.

Актенге Кеунимжаевага Олимпиадада қуйидаги аёл курашчилар рақиблик қилиши мумкин:

Сара Хилдербрандт (АҚШ)

Ибтиссем Дуду (Жазоир)

Мария Стадник (Озарбайжон)

Зики Фенг (Хитой)

Алиссон Cардозо Рей (Хитой)

Йуснелис Гузман (Куба)

Нада Моҳамед (Миср)

Анастасия Блай (Германия)

Винеш (Ҳиндистон)

Юйи Сусаки (Япония)

Габижа Дилайте (Литва)

Отгонжаргал Долгоржав (Мўғулистон)

Сон Хьянг Ким (КХДР)

Эвин Демирхан (Туркия)

Оксана Ливач (Украина).

Вазннинг Олимпиададаги амалдаги ғолибаси япониялик тажрибали Юйи Сусакидир. Шунингдек, озарбайжонлик Мария Стадник ва АҚШ вакиласи Сара Хилдербрандт Токио-2020 ўйинларида бронза медалларини қўлга киритганини таъкидлаш лозим.

Актенгенинг шахсий натижаларига келадиган бўлсак, у уч карра Осиё чемпионати совриндори, Осиё ўйинларининг бронза, Ислом бирдамлик ўйинларининг кумуш медали соҳибаси ҳисобланади.