Баҳодир Жалоловнинг Лондондаги жанги тўлиқ давом этди. Жангда нокдаун қайд этилди

Мусобаыада икки карра Олимпия ўйинлари чемпиони, ўзбекистонлик супер оғир вазн боксчиси Баҳодир Жалолов британиялик Соломон Дакресга қарши рингга чиқди. 

Супер оғир вазн тоифасидаги 10 раундлик баҳс тўлиқ давом этди. Якунда Баҳодир рақибини ҳакамларнинг якдил қарори билан 99:91 ҳисобида мағлубиятга учратди. Big Uzbek рақибини бешинчи раундда нокдаун ҳолатига ҳам тушириб қўйди.

Жалолов бунгача сўнгги жангини 2026 йил май ойида Агрон Смакичига қарши ўтказиб, техник нокаут эвазига ғалаба қозонганди. Ҳамюртимизнинг профессионал рингдаги рекордида энди 18 та ғалаба мавжуд, шундан 15 таси нокаут билан қўлга киритилди. 

Соломон Дакрес эса бунгача охирги бор 2025 йил июль ойида Владислав Сиренкога қарши жанг қилиб, ҳакамларнинг якдил қарори билан ғалаба қозонганди. Британиялик боксчи ҳисобида эндиликда 10 та ғалаба ва 2 та мағлубият бор.

Лондондаги бокс оқшомининг марказий беллашуви икки британиялик чарм қўлқоп усталари — Даниэль Дюбуа ва Фабио Уордли ўртасида кечади.