Бандихонда кураш беллашувлари ўтказилди

Беллашувларда Қорақалвоғистон республикаси, Тошкент шаҳри ҳамда вилоятлардан сараланиб келган 1000 нафарга яқин ўғил-қизлар ўз маҳоратларини намойиш этишди. Ўзбекистон чемпионати асосан спорт мактабларида шуғулланувчи 2010-2011 йилларда туғилган ўсмирлар ва қизлар ўртасида бўлиб ўтди.  

Ўзбекистон Республикаси спортни ривожлантириш вазирлиги ҳамда Ўзбекистон Бел олиш ва уч кураш ассоциациясининг йиллик-тақвим режасидан ўрин олган мазкур мамлакат чемпионатининг хар бир йўналишидаги беллашувлар қизғин курашларга бой тарзда давом этди.

Дастлаб ёш атлетлар ўнта вазн тоифасида бел олиш, бел олишнинг халқа-чалиш ҳамда бел олишнинг халқа-чалишсиз йўналишларида медаллар учун курашишди. Уч кураш бўйича ўтказилган баҳслар ҳам қизғин ва қизиқарли курашлар остида ташкил этилди.

Ўзбекистон чемпионати якунида Билолиддин Аҳмадалиев, Севара Жуманазарова, Беҳруз Абдалиев, Зуҳра Ғаниева ва бошқа спортчилар ўз вазн тоифаларида Ўзбекистон чемпионига айланишди.