Barcelona Open. Циципас бош соврини учун кортга чиқади

Грециялик теннисчи 1/2 финалда рейтингнинг 59-поғонасида бораётган сербиялик Душан Лайовични уч сет натижасига кўра мағлубиятга учратди - 5/7, 6/4, 6/2. Теннисчиларнинг ўзаро учрашувларида Стефанос олдинда бормоқда - 4:1. Икки соату 11 дақиқа чўзилган баҳсда Циципас 5 та эйс, 6 та қўшхато ва 3 та брейк қайд этди. 

Стефанос кетма-кет 10-ғалабасини қўлга киритди. У тўртинчи бор Барселона турнири финалида ўйнайди. Бундан аввалги барча финалларда у мағлубиятга учраганди. Унинг финалдаги рақиби норвегиялик Каспер Рууд бўлади. Циципас ўтган ҳафта Монте-Карло "Мастерс" турнирининг финалида айнан Руудни таслим этган эди.