UZ

Сўнгги янгиликлар

20:08Афсонавий Ринернинг 10 йиллик мағлубиятсиз сериясига ким чек қўйган? 0 19:48Карантин даври – шахснинг ҳар жиҳатдан юксалиши учун имкониятдир 0 19:27Лука Йовичга 45 миллион евро тўлайдиган клуб топилди 0 19:06Катталар ўртасидаги Европа чемпионати кўчирилди 0 18:45Таэквондо бўйича жаҳон чемпионати қолдирилди 0 18:24"Bellator". "Йил жанги" бекор қилинди 0 18:03Самвел Бабаян улгурди... 1 17:42UWW апрелдаги барча мусобақаларни бекор қилди, Жаҳон квалификация турнири ҳам 2021 йилга қолди 0 17:17Жароҳат панд берган бир жанг тарихи: Леннокс Льюис - Виталий Кличко (ФОТО+ВИДЕО) 0 16:49“Хабиб ва Конор бошқа даража” 0 16:21Нойердан сўнг Алаба ҳам "Бавария"нинг таклифини рад этди 0 16:00Қадимги Юнонистонда ўтказилган Олимпия ўйинлари ҳақида қизиқарли фактлар 0 15:38Журналист Хабибга АҚШга учиш вариантини таклиф қилганди. Шу сабаб унга таҳдид қилишди 1 15:18Енжейчик Чжанга қарши жангдан кейин "башара"си қай даражада ўзгарганини кўрсатди + ФОТО 0 14:57"Энг тез лига". Элдор Шомуродов бугун навбатдаги ўйинини ўтказади 0

16 мар 18:13
Янгиликлар

Бошқалар

Барча турдаги спорт тадбирлари ва йиғинлар ҳам вақтинча тўхтатилди

Жисмоний тарбия ва спорт вазирининг тегишли буйруғи билан, тизимдаги барча ташкилот ва муассасаларда ўқувчилар, шуғулланувчилар ва ходимларнинг саломатлигини муҳофаза қилиш ҳамда мустаҳкамлаш, касалликларнинг тарқалиб кетишини олдини олиш, санитария-гигиена меъёрларга риоя этилиши янада кучайтирилади.

Бунда Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги томонидан грипп ва коронавирус инфекцияси профилактикаси бўйича ишлаб чиқилган тавсиялар инобатга олинган.

Буйруққа кўра, вазирлик тизимидаги барча спорт мактаблари, ихтисослаштирилган мактаб-интернатлари, футбол академиялари, республика олий спорт маҳорати мактаблари, олий таълим муассасалари, малака ошириш ва қайта тайёрлаш марказларида ўқув ҳамда ўқув-машғулот жараёнлари, тўгараклар фаолияти, шунингдек, барча турдаги спорт тадбирлари, йиғинлар ўтказилиши ҳам жорий йил 16 мартдан бошлаб вақтинча тўхтатилди.

Шунингдек, Қорақалпоғистон Республикаси, вилоятлар ва Тошкент шаҳрида янги қурилган ҳамда “Наврўз” умумхалқ байрами кунларида фойдаланишга топшириш режалаштирилган спорт объектларининг тантанали очилиш маросимларини ўтказиш ҳам кейинроққа қолдирилади.

Вазирлик тизимидаги ихтисослаштирилган олимпия захиралари мактаб-интернатлари, олимпия ва миллий спорт турлари бўйича давлат ихтисослаштирилган мактаб-интернатлари, ҳудудий болалар ва ўсмирлар футбол академиялари ҳамда Ўзбекистон давлат жисмоний тарбия ва спорт университети ва унинг Нукус филиалида ўқув жараёнлари ва спорт машғулотлари ўтказилиши расмий кўрсатма берилгунга қадар вақтинча тўхтатилиб, ўқувчилар таътилга чиқарилди.

Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази ва унинг Нукус, Самарқанд ҳамда Фарғона филиалларида барча турдаги малака ошириш ва қайта тайёрлаш курслари, шу жумладан пуллик хизмат кўрсатиш турлари вақтинчалик тўхтатилди.

Қолаверса, буйруқ билан марказ ва унинг филиаллари меҳнат жамоаси ўртасида COVID-19 коронавируси юзасидан тушунтириш ишларини олиб бориш, малака ошириш ва қайта тайёрлаш курслари тингловчиларини масофавий ўқитиш чораларини кўриш вазифаси белгиланди.

Бундан ташқари, болалар-ўсмирлар спорт мактаблари, ихтисослаштирилган болалар-ўсмирлар спорт мактаблари, Республика олий спорт маҳорат мактаблари ҳамда спорт машғулотлари ўтказиладиган барча турдаги бошқа муассасаларда спорт секциялари ва тўгараклари фаолияти вақтинчалик тўхтатилиб, шуғулланувчиларнинг ота-оналари спорт секцияларининг фаолияти номуайян муддатга тўхтатилганлиги тўғрисида огоҳлантирилди.

Коронавирус сабабли меҳнат жамоаси ўртасида ваҳимага олиб келувчи ёлғон хабарлар, видеоматериаллар ва бошқа нотўғри маълумотларни тарқатмаслик ҳам белгиланди.

Спорт ва жисмоний тарбия тадбирлари календарь режасига киритилган барча спорт мусобақалари, ўқув-машғулот йиғинлари ҳамда халқаро ва республика семинарлари вилоят, туман (шаҳар)ларда тўхтатилиб, бу жараёнлар қатъий назоратга олинади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг