Барчаси ёш авлоднинг соғлом ва баркамол бўлиши учун

Хусусан, Чироқчи туманида ҳам мазкур йўналишда муайян ишлар амалга оширилаётир. Яқинда Чироқчи тумани ҳокимининг биринчи ўринбосари Эркин Бобоқулов ва туман халқ таълими бўлими мудири Фарҳод Жумановлар Халқ таълими вазирлиги томонидан ажратилган 12 турдаги спорт жиҳозларини туман халқ таълими бўлимига қарашли умумтаълим мактаблари директорларига топширишди.

Сўнгги йилларда Чироқчида янги спорт иншоотлари фойдаланишга топширилди, қатор иншоотлар таъмирланиб, зарур турдаги спорт жиҳозлари билан таъминланди. Айниқса, умумтаълим мактабларида барпо этилган спорт заллари ўқувчи ёшларнинг спорт билан шуғулланишлари учун кенг имкониятлар яратди. Амалга оширилган ишлар натижасида спорт билан шуғулланувчи болалар сафи ортиб бормоқда.