16 окт 08:39
Янгиликлар
Футбол
"Барса" Левандовскининг терма жамоада олган жароҳати сабабли ундан норози
Польшалик ҳужумчи ЖЧ саралаш босқичида Литвага қарши ўйиннинг (2:0) биринчи бўлимида оғриқ ҳис қилди.
Шунга қарамай, Левандовски ўйинни давом эттиришни қарор қилган.
Marca нашрининг ёзишича, Роберт жароҳатини кучайтириб олган ва энди тахминан бир ой майдондан четда қолади, жумладан 26 октябрдаги "Реал"га қарши учрашувни ҳам ўтказиб юбориши мумкин. Манбага кўра, бу ҳолат "Барселона" раҳбариятида жиддий норозилик уйғотган.
Эндиликда клубнинг норозилиги футболчиларнинг ўзига ҳам қаратилган — улар ўзларини ёмон ҳис қилганда биринчи бўлиб бу ҳақда хабар бериши керак, деб ҳисобланмоқда. Айниқса 37 ёшли Левандовски ҳолатида, у танасини эҳтиёткорлик билан асраши лозим.
Бундан ташқари, бу мавсумда терма жамоа танаффусларидан кейин "Барселона" сафига Ламин Ямаль, Дани Ольмо ва Ферран Торрес ҳам жароҳат билан қайтган.
Ҳавола :
Манба : Marca
Фикрлар