Белбоғли кураш. Алплар "Само"да беллашишди + ФОТО

Ўзбекистон Республикаси Ёшлар сиёсати ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 200 нафардан ортиқ полвонлар иштирок этди. Юқори савияда ташкил этилган ушбу чемпионатда дастлаб, тантанали очилиш маросими ташкил этилди. 

Маросимда иштирок этган Ўзбекистон белбоғли кураш федерацияси раиси Равшан Дастиров, Фарғона вилояти ёшлар сиёсати ва спорт бош бошқармаси бошлиғи Нодирбек Ҳакимовлар спортчиларни қутлар экан, юртимизда кейинги йилларда жисмоний тарбия ва спортга, миллий спорт турларимизга, хусусан, спортнинг аҳоли орасида оммавийлигини таъминлаш каби ишларга алоҳида эътибор қаратилаётгани ҳақида таъкидлаб, полвонларларга омад тилашди. 

Шундан сўнг катталар ўртасидаги мазкур Ўзбекистон чемпионатига старт берилди. Икки кун давом этган ушбу беллашувларда эркаклар белбоғли курашнинг эркин ва классик йўналишларида 8 та вазн тоифасида, аёллар эркин йўналишда 5 та вазнда кураш тушишди. Муросасиз ва қизғин ўтган баҳсларнинг якуний натижаларига кўра, қуйдаги полвонлар ўз вазн тоифаларида ғолибликни тантана қилишди.

Белбоғли кураш йўналиши. Эркаклар

57 кг. Жамолиддин Абдукамолов (Наманган),62 кг.Абдуқодир Авазбеков (Фарғона), 68 кг.Илёсбек Ёқубжонов (Андижон), 75 кг. Нусратбек Султонбоев (Андижон), 82 кг. Ҳусниддин Рўзиев (Андижон), 90 кг. Жасурбек Исроилов (Андижон), 100 кг.  Нодирбек Ахатжонов (Тошкент ш.), +100  кг. Бахтиёр Жумабоев (Сирдарё) 

Белбоғли курашнинг эркин йўналиши. Эркаклар

57 кг. Шахзод Усмонов (Тошкент в.), 62 кг. Сарвар Тўхтасинов (Наманган), 68 кг. Шохрух Зокиров ( Тошкент в.), 75 кг.  Нусрат Йўлдошев (Тошкент в.), 82 кг. Оғабек Аматбаев (Тошкент в.), 90 кг.  Ҳусан Абдуҳакимоа (Сирдарё), 100 кг. Обидали Мавлонов (Фарғона), +100 кг. Ҳислат Пирматов (Тошкент в.). 

Аёллар 

52 кг. Фарангиз Абдунабиева (Сирдарё), 58 кг. Манзураой Мўйдинова (Фарғона), 60 кг. Мафтунабону Маҳмудова (Андижон), 76 кг Дилафруз Мамажонова (Наманган), +76 кг. Саҳобат Шералиева (Наманган). 

Чемпионат якунлангач, кучли учликдан жой олган спортчилар ташкилотчилар томонидан диплом, медаль ва эсдалик совғалари билан тақдирланишди. 

Таъкидлаш жоиз, мазкур чемпионат жорий йил 20-25 май кунлари Жиззах шаҳри мезбонлик қиладиган Осиё чемпионатига саралаш вазифасини ҳам ўтаб берди.   

Илҳом РАҲМОНОВ тайёрлади