Белбоғли кураш: Чирчиқда Ўзбекистон чемпионати ўтказилди + ФОТО

Ўзбекистон Республикаси Ёшлар сиёсати ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур мамлакат чемпионати баҳсларида Қорақалпоғистон Республикаси, Тошкент шаҳри ва барча вилоятлардан 300 нафардан ортиқ ёш полвонлар ғолиблик учун кураш тушишди. 

Чемпионат баҳсларида дастлаб, мусобақанинг тантанали очилиш маросими ташкил этилди. Маросимда Чирчиқ шаҳар ҳокими вазифасини бажарувчи Журъатбек Раҳмонов, Чирчиқ шаҳар прокурори, "Содиқ хизматлари учун" медали соҳиби, шаҳар кураш федерацияси раиси Хайрулла Бўриев, Осиё белбоғли кураш конфедерацияси раиси Мўмин Муратов, Ўзбекистон "Адолат" СДП Сиёсий Кенгаши раиси ўринбосари Абдукамол Раҳмонов, Ўзбекистон белбоғли кураш федерацияси раиси Равшан Дастиров ва бошқалар иштирок этиб, ёш полвонларни қутлашди ва уларга мусобақаларда омад тилашди.   

Юқори савияда ташкил этилган ушбу чемпионатда ўғил болалар белбоғли курашнинг эркин ва классик йўналишларида 11 тадан вазн тоифасида, қизлар эса эркин йўналишда 7 та вазн тоифасида ғолиблик учун кураш тушишди. Ҳакамлар ҳайъати раиси Тошкентбой Яхшибоев бошчилигидаги бир гуруҳ ҳакамлар эса мусобақани бошқариб боришди.

Ғолиб ва совриндорлар:

Эркин йўналиш (Ўғил болалар)

42 кг. Шоҳжаҳон Абдуллаев ( Фарғона), 45 кг. Самандар Бурҳонов (Жиззах), 50 кг. Сардор Абдуллаев (Тошкент в.), 55 кг. Шохруҳ Примов (Навоий), 60 кг. Қувонч Хуррамов (Самарқанд), 65 кг.Асилбек Тожибоев (Тошкент ш.), 71 кг. Хожиакбар Нўъмонов (Андижон), 77 кг. Абдукарим Тошпўлатов (Самарқанд), 85 кг. Муҳаммадюсуф Мамажонов (Фарғона), 95 кг. Наврўз Мамаюсупов (Навоий), +95 кг. Акобир Қурбонов (Бухоро).

Эркин йўналиш (Қизлар)

44 кг. Жасмина Маъмуржонова (Фарғона), 48 кг. Гулсанам Абдукаримова (Фарғона), 52 кг. Феруза Собирова (Наманган), 57 кг. Муслима Турсуналиева (Андижон), 63 кг. Феруза Юсупжонова (Наманган), 70 кг. Ойдина Эргашева (Наманган), +70 кг. Хургидахон Ослонбоева (Фарғона).

Ўғил болалар. Белбоғли курашнинг классик йўналиши

42 кг. Аҳрор Ғофуржонов (Наманган), 45 кг. Хумоюнмирзо Билолдинов (Андижон), 50 кг. Шуҳратбек Қирғизбоев (Андижон), 55 кг. Аббос Аҳмаджонов (Наманган), 60 кг. Самандар Солиев (Фарғона), 65 кг. Илёсбек Юлдошев (Андижон), 71 кг. Озодбек Абдусатторов (Фарғона), 77 кг. Муҳаммадқодир Каримжонов (Тошкент ш.), 85 кг. Оллоберди Каримбердиев (Тошкент в.), 95 кг. Элдор Маҳмудов (Тошкент ш.), +95 кг. Достон Исматуллаев (Сирдарё).

Мусобақа якунлангач, ғолиб ва совриндорлар диплом, медаль ва эсдалик совғалари билан мукофотланишди.

Илҳом РАҲМОНОВ тайёрлади