13 мар 13:16
Янгиликлар

Кураш

Белбоғли кураш. Эртага Нуротада Ўзбекистон кубогига старт берилади

14-15 март кунлари Навоий вилоятининг Нурота туманидаги болалар-ўсмирлар спорт мактабида белбоғли кураш бўйича ўсмирлар ва қизлар ўртасида Ўзбекистон кубоги мусобақаси бўлиб ўтади.

Мазкур мамлакат кубоги баҳсларида Қорақалпоғистон Республикаси, Тошкент шаҳри ва барча вилоятлардан 2004-2005 йилларда туғилган ёш курашчилар чемпионлик учун беллашишади.

Маълумот учун, ушбу Ўзбекистон кубогида қизлар белбоғли курашнинг эркин йўналишида 7 та вазн тоифасида баҳсларга киришса, ўғил болалар белбоғли курашнинг эркин ва классик йўналишларида 11 та вазн тоифасида беллашишади.

Бугун эса мусобақага қуръа ташлаш маросими ўтказилади. Мусобақани Ўзбекистон белбоғли кураш федерацияси ҳакамлар ҳайъати раиси Тошкентбой Яхшибоев бошчилигидаги ҳакамлар гуруҳи бошқариб боради.