Белбоғли кураш. Ғолиблар Республика босқичида

Қашқадарё вилоят жисмоний тарбия ва спорт бошқармаси, вилоят белбоғли кураш федерацияси, туман 1-БЎСМ ташаббуси билан ташкил этилган мазкур  мусобақада вилоятнинг Шахрисабз, Яккабоғ, Миришкор, Китоб, Қамаши, Қарши, Чироқчи каби туман ва шаҳарларидан 180 нафар ёш полвонлар  белбоғли курашнинг эркин ва классик усулларида ўзаро куч синашишди. 

Кун давомида ўтган баҳсларнинг якуний натижаларига кўра, ўз вазн тоифаларида ғолиб ва совриндор бўлган спортчи-ўқувчилар вилоят белбоғли кураш федерацияси ҳамда 1-БЎСМ томонидан диплом, медаль ва эсдалик совғалари билан мукофотланишди. 

Мусобақада шоҳсупадан жой олган полвонлар 18-19 октябрь кунлари Наманган вилоятининг Наманган туманида ўтказиладиган Ўзбекистон чемпионати йўлланмасига ҳам эга бўлишди. 

Илҳом РАҲМОНОВ тайёрлади