Belgian Open-2023. Ўзбекистон таэквондо терма жамоаси биринчи ўринда

Маълум қилганимиздек, унда Ўзбекистон терма жамоасининг 8 нафар вакили медаллар учун кураш олиб борди.

Қувонарлиси уларнинг 6 нафари совриндор бўлди. Улуғбек Рашитов, Шуҳрат Салаев ва Нияз Пўлатов барча рақибларини мағлуб этиб, олтин медалини қўлга киритишди. Феруза Садикова кумуш, Мадинабону Маннопова ҳамда Никита Рафалович эса бронза медалига эга чиқишди. 

Таъкидлаш лозимки, Ўзбекистондан бошқа ҳеч бир давлат спортчилари 3та олтин медални қўлга кирита олмади ҳамда дунёнинг 70 та мамлакатидан келган энг сара таэквондочилар орасида Ўзбекистон биринчи ўринни эгаллади.

Ўз навбатида спортчиларимиз Париж-2024 йўлида навбатдаги қимматли очколарни қўлга киритишди.

"Belgian Open-2023" совриндорлари: 

Олтин - Шуҳрат Салаев, Улуғбек Рашитов, Нияз Пўлатов

Кумуш - Феруза Садикова

Бронза - Мадинабону Маннопова, Никита Рафалович