Беллашув Халқаро болалар кунига бағишланди

Хусусан, мамлакатимизда ҳам мазкур сана муносабати билан турли тадбирлар, шодиёналар, спорт мусобоқалари юқори суратда ўтказилади. Қашқадарё вилоятининг Чироқчи туманидаги 1-сонли Болалар-ўсмирлар спорт мактабида таэквондо (WTF) бўйича ўғил болалар ва қизлар ўртасида БЎСМ очиқ биринчилиги ташкил этилди.

Вилоят жисмоний тарбия ва спорт бошқармаси, туман жисмоний тарбия ва спорт бўлими ҳамда Болалар-ўсмирлар спорт мактаби ташаббуси билан ўтказилган мазкур очиқ биринчиликда вилоятнинг Қарши, Қамаши, Шахрисабз каби туман ва шаҳарлари, Чироқчи туман биринчи ва 2-сонли БЎСМлардан йиғилган 100 нафарга яқин спортчи-ўқувчилар ўзаро куч синашишди. 

Кун давомида муросасиз ва қизғин тарзда ўтган беллашувларнинг якуний натижаларига кўра, ўз  вазн тоифаларида ғолибликни қўлга киритган ёш таэквондочилар ташкилотчилар томонидан диплом, медаль ва эсдалик совғалари билан тақдирланишди.  

Илҳом РАҲМОНОВ тайёрлади