17 апр 11:05
Янгиликлар

Бокс/ММА

Bellator 257 турнирининг марказий жанги тўлиқ давом этди ФОТОГАЛЕРЕЯ

Бугун АҚШнинг Анкасвилль шаҳрида аралаш яккакураш қоидалари бўйича Bellator промоушенининг навбатдаги турнири бўлиб ўтди.

Bellator 257 оқшомининг марказий жанги ярим оғир вазн тоифасида ўтказилиб, унда амалдаги Bellator чемпиони, россиялик Вадим Немков америкалик даъвогар Фил Дэвисга қарши октагонга кўтарилди. Ушбу жанг ғолиби Гран-прининг ярим финалига ҳам йўл олар эди.

Чемпионлик жанги тўлиқ беш раунд давом этди ва якунда Немков 48-47, 48-47, 48-47 ҳисобларида ғалаба қозонди. Бу билан россиялик чемпион камарини муносиб ҳимоя қилиш баробарида Гран-прининг ярим финалига ҳам йўл олди.

Маълумот учун, Вадим Немковнинг ярим финалдаги рақиби Энтони Жонсон - Йоэль Ромеро жангидан сўнг аниқланади. Ушбу чорак финал жанги 7 май куни Bellator 258 турнири доирасида ўтказилади.