30 июн 09:59
Янгиликлар

Шахмат

Шахмат бўйича мутлақ жаҳон рекорди янгиланди!

Перу пойтахти Лима шаҳрида Вадим Росенстейн томонидан ташкил этилган шахмат марафони ўз ниҳоясига етди.

Ушбу марафонда 854 нафар иштирокчи қатнашиб, 69,5 соат давомида тўхтовсиз шахмат ўйнашди!

Бу вақт оралиғида жами 12,445 та партия ўйналди. Турнирнинг умумий мукофот жамғармаси эса нақд $100,000 ни ташкил қилди.

Эслатиб ўтамиз, бундан олдинги рекорд нигериялик Тунде Онакояга тегишли бўлиб, у Нью-Йоркдаги "Таймс-сквер"да 64 соат тўхтовсиз шахмат ўйнаган эди.

"Бошида ҳамма нарса мукаммал бўлмагани ҳам мени хурсанд қилади. Янги нарса яратишнинг гўзаллиги ҳам шунда. Биз ҳали кўп нарсаларни ўрганишимиз керак ва буни фақат амалиёт орқали уддалаймиз. Ўтган бир неча кун ичида мен минглаб бахтли юзларни кўрдим. Бу табассумлар менга шахматни бутун дунё бўйлаб ривожлантиришга куч беради", — деди рекорд ортида турган ташкилотчи Вадим Росенстейн.