02 фев 12:25
Янгиликлар

Футбол

"Динамо" Тошкентда машғулотларни бошлади

"Динамо" клуби икки кунлик дам олишдан кейин, 1 февралдан Тошкентда ўқув-машғулот йиғинига киришди.

Самарқанд жамоаси 16-29 январь кунлари Бирлашган Араб Амирликларида дастлабки ўқув-машғулот йиғини доирасида 4 та ўртоқлик учрашуви ўтказди. Икки кунлик таътилдан кейин, жамоа 1 февралдан пойтахтда тайёргарликни бошлади.

Вадим Абрамов мураббийлигидаги жамоа 1-6 февраль кунлари Тошкентдаги йиғинда "Машъал" (3 февраль) ва "Арал" (5 февраль) жамоаларига қарши назорат баҳсида майдонга тушади.

6 февраль куни эса Тошкент – Дубай авиарейси орқали иккинчи хориж йиғинини ўтказиш учун Бирлашган Араб Амирликларига жўнаб кетади. БААдаги йиғин ва рақиблар ҳақида яна батафсил маълумот берилади.