Bellator 296. Гегард Мусаси иштирокидаги марказий жанг тўлиқ давом этди ФОТОГАЛЕРЕЯ

Bellator 296 оқшомининг марказий жанги ўрта вазн тоифасида британиялик Фабиан Эдвардс ҳамда дивизионнинг собиқ чемпиони, нидерландиялик Гегард Мусаси ўртасида ўтказилди. Жанг тўлиқ давом этди ва якунда Эдвардс номдор рақибини ҳакамларнинг якдил қарори (49-46, 49-46, 49-46) билан очколар ҳисобига кўра мағлубиятга учратди. 

Даъвогарлар жангидаги ғалаба Фабиан Эдвардсга вазн чемпиони, америкалик Жонни Эблинга қарши октагонга чиқиш имкониятини тақдим этди. Жанг якунланиши билан улар октагонда кўз уриштириш маросимини ҳам ўтказиб олишди. Чемпионлик жанги 23 сентябрь куни Ирландия пойтахти Дублин шаҳрида бўлиб ўтади. 

Маълумот учун, Фабиан Эдвардс яримўрта вазн тоифасида амалдаги UFC чемпиони Леон Эдвардснинг укаси ҳисобланади. Леон кечаги жангда Фабианнинг бурчагида секундант вазифасини бажарди.