18 апр 12:36
Янгиликлар

Бокс/ММА

Бен Аскрен ва Жейк Пол ўртасидаги жанг биринчи раунддаёқ якунланди + ФОТО

Ярим ўрта вазн тоифасида ONE ва Bellator промоушенлари собиқ чемпиони Бен Аскрен профессионал боксда дебют қилди.

Аскрен Triller Fight Club профессионал бокс кечасининг марказий жангида таниқли видеоблогер Жейк Полга қарши рингга кўтарилди. Жанг бироз кутилмаганда биринчи раунддаёқ якунига етди. Пол ўнг қўлда йўллаган аниқ зарбаси эвазига Бенни техник нокаутга учратди. Гарчи Аскрен ўрнида тура олган бўлса-да, рефери унинг ҳолатидан келиб чиқиб жангни давом эттирмасликни лозим топди.

Дарвоқе, Бен Аскрен проф боксдаги дебют жангида мағлубиятга учраган бўлса-да, ММАдаги фаолияти давомидаги энг катта гонорарга эга бўлди. Жоржия штатининг Атлетик комиссияси тасдиқлаган хабарга кўра, Аскреннинг бу жанг учун кафолатланган гонорари 500 минг долларни ташкил этган. YouTube ва Инстаграм юлдузи эса ўзининг банкдаги ҳисобини 690 минг долларга бойитиб олди.