Бенту бошқарган терма жамоалар мундиалларда нима каромат кўрсатган?

2010 йил 21 сентябрь ойида Португалия терма жамоасини қабул қилиб олган Бенту бу лавозимда 4 йил фаолият олиб борган. Унинг қўл остида португаллар 47 та ўйинда 26 ғалаба, 11 дуранг, 10 мағлубиятга учраган. Евро-2012 турнирида ярим финалгача етиб борган ва пенальтилар сериясида Испанияга енгилган. 

2014 йил Бразилия мезбонлик қилган мундиалда Германияга (0:4) енгилган, АҚШ билан дуранг ўйнаган (2:2) ва Ганани таслим қилган (2:1). АҚШ билан бир хил 4 очко тўплаган Португалия тўплар нисбатига кўра гуруҳда қолиб кетган эди. 

2022 йил Жанубий Корея устози сифатида Қатардаги Жаҳон чемпионатида қатнашган. Буни қарангки, бу сафар омад Бентуга кулиб боқди. Худди 2014 йилдаги каби 4 очко жамғарган кореяликлар Уругвай билан дуранг (0:0), Ганага мағлубият (2:3), Португалияни мағлуб қилган (2:1). Нимчорак финалда эса Бразилияга (1:4) имкониятни бой берган. 

Жанубий Корея терма жамоасидаги статистикаси: 57 та ўйин 35 ғалаба, 13 дуранг, 9 мағлубият

БАА терма жамоасида: 26 та ўйин, 14 ғалаба, 5 дуранг, 7 мағлубият.