Пауло Коста Хамзат Чимаев билан чемпионлик жанги ҳақидаги хабарларга изоҳ берди

Коста ижтимоий тармоқларда лига матчмейкерлари 3 октябрь куни Солт-Лейк-Ситида бўлиб ўтадиган UFC 332 турнирининг асосий воқеаси доирасида вақтинчалик камар учун жанг ўтказиш масаласида "Борз" жамоаси билан боғлангани ҳақидаги инсайдерлик маълумотини эълон қилди.

"У ярим ўрта вазнга ёки қаердан келган бўлса, ўша ёққа қайтиши керак – ярим оғир вазн тоифаси у учун эмас. Бу унга оғирлик қилади. Лекин барибир, хуш келибди", – деб ёзди Коста.

Ҳозирча бу маълумот қанчалик асосли экани ёки бразилиялик жангчи шунчаки ўзига эътиборни қаратмоқчи бўлгани номаълум.

Хамзат Чимаев ва Пауло Коста ўртасидаги жанг аслида 2023 йил октябрь ойида Абу-Дабида бўлиб ўтган UFC 294 турнирида бўлиши керак эди. Бироқ бразилиялик жангчи стафилококк инфекцияси туфайли мусобақада қатнаша олмаган, россиялик спортчи эса Камару Усманга қарши октагонга чиқиб, ҳакамларнинг кўпчилик овози билан ғалаба қозонган эди.