17 июл 10:52
Янгиликлар

Теннис

Бенуа Пэр Италиядаги "Челленжер" турнири ғолиби

Италиянинг Сан-Бенедетто-дель-Тронто шаҳрида теннис бўйича "Челленжер" туркумига кирувчи турнир якунига етди.

Француз теннисчиларнинг дербисига айланган финалда ATP рейтингида 147-поғонадан жой олган Бенуа Пэр ғалабани нишонлади. У дунёнинг 51-ракеткаси бўлиб турган ватандоши Ришар Гаскени мағлуб этишни уддалади - 4/6, 6/1, 6/1.

Ватандошларнинг ўзаро учрашувларида эса ҳамон Гаске катта фарқ билан олдинда бормоқда - 9:2. Тўқсон тўққиз дақиқа давом этган баҳсда Пэр 12, Гаске эса 1 та эйс зарбасини амалга оширди. Брейлар Пэр фойдасига - 7 га 3 кўринишида бўлди.

Италия "Челленжер" турниридаги муваффақиятли иштирок Бенуа Пэрга 100 рейтинг очкоси ҳамда 16,020 евро мукофот пули келтирди.