Беш нафар самбочимиз ЖЧ финалига чиқди

Ҳозирча кундузги дастур беллашувлари ўз ниҳоясига етди. Қувонарлиси, бугун бўлиб ўтаётган 7 та вазн баҳсларининг 5 тасида ўзбекистонлик самбочилар финалга йўл олишди. Уларнинг барчаси финалда ЖЧ фаворитлари ҳисобланган Россия терма жамоаси аъзоларига қарши гиламга чиқадилар.

Кечки дастурда ҳамюртларимиз иштирокида қуйидаги баҳслар ташкил этилади:

Финаллар

Самбо:

-71 кг: Сарбон Эрназаров - Никита Клецков (Россия)

-79 кг: Улуғбек Раҳмонов - Уали Курзиев (Россия)

-88 кг: Ихтиёр Эшмуродов - Сергей Рябов (Россия)

Жанговар самбо:

-58 кг: Баҳодир Бакиев - Александр Нестеров (Россия)

-64 кг: Ойбек Солиев - Шейх-Мансур Хабибуллаев (Россия).

Финал беллашувлари соат 18:00дан сўнг бошланади. Мухлисларимизни "Юнусобод" спорт мажмуасига чорлаб қоламиз. Аренага келинг ва юртдошларимизни қўллаб-қувватланг!

Ўзбекистон самбо ассоциацияси матбуот хизмати