“Беш ташаббус паралимпиадаси” оммавий спорт мусобақаси финиш нуқтасида

2022 йилдан бошлаб илк маротаба маҳаллалардаги ногиронлиги бўлган ёшлар ўртасида “Беш ташаббус паралимпиадаси” оммавий спорт мусобақаларини ўтказиш жорий этилди. 

Ўтган йили икки босқичда ташкил этилган мазкур спорт мусобақаларида 6 мингга яқин ёшлар қамраб олинди. Жорий йилнинг 1-мавсумида старт олган “Беш ташаббус паралимпиадаси” спорт мусобақалари уч босқичда, яъни туман (шаҳар) босқичи, Қорақалпоғистон Республикаси вилоятлар ва Тошкент шаҳар ҳудудий саралаш босқичи ҳамда учинчи республика финал босқичи шаклида ташкил этилмоқда.

Мазкур мусобақаларда иштирок истагини билдирган 34 мингдан ортиқ маҳаллалардаги ногиронлиги бўлган ёшлар рўйхатга олинди.

Мусобақалар 5 та пара спорт турларидан, пара енгил атлетиканинг ядро улоқтириш (нанизм паст бўйликлар), қисқа 60-100 метр масофафага (орқа мия фалажи ва умуртқа поғонаси шикастланганлар “ДЦП”) ва узоқ 200-300 метр масофага (қўл ампутацияси бўлганлар) югуриш, пара стол тенниси, пара шахмат, пара шашка, пара киберспорт турларидан бўлиб ўтди.

Республика финал босқичида жами 196 нафар спортчи-ёшлар, жумладан, пара енгил атлетикадан 6 нафар (3 эркак, 3 аёл), пара стол теннисидан 2 нафар (бир эркак ва бир аёл), пара шахматдан 2 нафар (бир эркак ва бир аёл), пар шашкадан 2 нафар (бир эркак ва бир аёл) ва пара кибер спортдан 2 нафар (бир эркак ва бир аёл) бир ҳуддуд жамоасидан эса 14 нафар (7 нафари хотин-қизлар) иштирок этиши белгиланган.

Иштирокчилар Республика Олимпия ва Паралимпия спорт турларига тайёрлаш маркази ареналарида пара енгил атлетика, пара шахмат, пара шашка ҳамда пара стол тенниси бўйича, Cyberium.uz кибер аренасида эса пара киберспорт бўйича ўзаро баҳс олиб боришмоқда.