“Беш ташаббус олимпиадаси” мусобақасининг Республика босқич иштирокчилари Поп темир йўл вокзалида кутиб олинди

Тошкент шаҳри, Навоий, Қашқадарё ва Сурхондарё вилоятларидан ташриф буюрган ёш спортчилар Поп темир йўл вокзалида туман ҳокимлиги ҳамда спорт соҳасининг мутасадди вакиллари томонидан тантанали тарзда кутиб олинди. Меҳмонларга мусобақаларда омад ва муваффақиятлар тиланди.

Ҳозирда мусобақада иштирок этувчи спортчилар сони тобора ортиб бормоқда. Дастлаб тўртта ҳудуддан спортчилар етиб келган бўлса, қолган вилоятлардан ҳам иштирокчилар келиши давом этмоқда.

Мазкур мусобақа ёшлар ўртасида соғлом турмуш тарзини тарғиб қилиш, спортга бўлган қизиқишни ошириш ва ҳудудлараро дўстликни мустаҳкамлашда муҳим аҳамият касб этади.