03 июн 11:31
Янгиликлар
Бокс/ММА
Бейдер Жонсга "Bellator"га ўтишни ва реванш жангини таклиф қилди
Икки вазнда Bellator чемпиони, собиқ UFC жангчиси Райан Бейдер ярим оғир вазнда UFC чемпиони Жон Жонсга таклиф билан чиқди.
Хабарингиз бор, Жонс ўтган ҳафтанинг сўнгги кунлари UFC президенти Дэна Уайт билан гап талашиб қолган ва "жанг" серияга айланиб кетганди. Якунда Жон Дэнага чемпионлик камаридан воз кечиб, UFCни тарк этиши билан таҳдид қилган эди. Бейдер Жонсни Bellator промоушенига таклиф қилди.
"Ўзинг учун нимани тўғри ва яхши деб билсанг, шуни қилишинг керак. Ҳар доим вариантлар бўлган. Ишончим комил, Bellator раҳбари бизнинг жангимизни ташкил қилиб беради. Рози бўлсанг, реванш жангини мухлисларга тақдим этардик", — дея "Твиттер"да мурожаат қолдирган Бейдер.
Эслатиб ўтамиз, Жонс ва Бейдер 2011 йилнинг февраль ойида UFC 126 турнири доирасида ўзаро тўқнаш келишган ва ўшанда Жон рақибини муддатидан аввал оғритиш усули билан мағлуб этган эди.
Ҳавола :
Фикрлар