Бэйл, Варди, Маррей, Фара Британияда “Йил спортчиси” бўлишга номзодлар қаторида

Буюк Британиянинг Миллий мукофоти - BBC Sports Personality of the Year (SPOTY) 18 декабрь куни Бирмингем шаҳрида ғолиб деб топилган спортчига тантанали равишда топширилади.

ЙИЛ СПОРТЧИСИ БЎЛИШГА ДАЪВОГАРЛАР:

– Никола Адамс (бокс, жаҳон чемпиони, аёллар ўртасида икки карра Олимпиада чемпиони);

– Гарет Бэйл (футбол, Уэльс терма жамоаси ва “Реал” клуби ҳужумчиси, Евро-2016да ярим финалгача етиб борган);

– Алистер Браунли (триатлон, икки карра Олимпиада чемпиони);

– Софи Кристиансен (Паралимпиада-2016 чемпиони);

– Кадина Кокс (югуриш ва велоспортда Паралимпиада-2016 чемпиони);

– Муҳаммед Фара (енгил атлетика, Рио Олимпиадасининг икки карра ғолиби);

– Жейсон Кенни (велоспорт, уч карра Рио Олимпиадаси чемпиони);

– Лора Тротт (велоспорт, икки карра Рио Олимпиадаси чемпиони);

– Энди Маррей (теннис, икки карра “Уимблдон” ғолиби, Олимпиада чемпиони, Якуний турнир ғолиби, дунёнинг биринчи ракеткаси);

– Адам Пити (сузиш, Рио Олимпиадаси чемпиони);

– Кейт Ричардсон-Уолш (чим устида хоккей, Буюк Британия терма жамоаси сардори, Рио Олимпиадаси чемпиони);

– Ник Скелтон (от спорти, Рио Олимпиадаси ғолиби, 58 ёшида Олимпиада чемпиони бўлиб, 108 йиллик тарихни янгилаган);

– дама Сара Стори (велоспорт, икки карра Паралимпиада-2016 чемпиони, Паралимпия ўйинларининг 14та медали соҳибаси);

– Жейми Варди (футбол, “Лестер” таркибида Англия чемпиони);

– Макс Уитлок (гимнастика, икки карра Рио Олимпиадаси ғолиби);

– Дэнни Уиллет (гольф, “Мастерс” турнири ғолиби).