18 май 21:09
Янгиликлар

Дзюдо, Олимпия ўйинлари

Биласизми? Терма жамоамиз бош мураббийи Олимпиаданинг дзюдо бўйича энг ёш чемпиони!

Дзюдо бўйича Ўзбекистон миллий терма жамоаси бош мураббийи Илиас Илиадис айнан ушбу спорт тури бўйича энг ёш Олимпиада чемпиони ҳисобланади.

Илиас Илиадис - 1986 йил 10 ноябрь куни Грузиянинг Ахмета шаҳрида грек оиласида таваллуд топган. Греция терма жамоаси аъзоси бўлган. 2004 йил Афинада ўтказилган ёзги Олимпия ўйинларида -81 килограмм вазн тоифасида олтин медални қўлга киритиб, дзюдо тарихида энг ёш (17 ёш) Олимпиада чемпионига айланган.

Илиадис Лондон-2012 Олимпиадасида бронза медалини соҳиби бўлган. Токио (2010), Париж (2011) ва Челябинск (2014)да ўтган жаҳон чемпионатлари ғолиби.

Шунингдек, у жаҳон чемпионатларининг икки карра кумуш ва бир бор бронза медали совриндори ҳисобланади. Уч карра жаҳон чемпиони Илиас Илиадис Пекин-2008 ёзги Олимпия ўйинларининг очилиш маросимида Греция терма жамоасининг байроқдори бўлган.