Биринчи ракеткамиз 20 та эйс амалга оширилган 1/2 финал учрашувида кортга чиқди

Ўзбекистоннинг биринчи ракеткаси Сергей Фомин бироз аввал якунига етган 1/2 финал учрашувида мусобақада учинчи рақам остида таснифланган хитойлик Сун Фажингга қарши кортга чиқди. Сун 1/8 финалда Ўзбекистоннинг иккинчи ракеткаси Ҳумоюн Султоновни мағлубиятга учратган эди. 

Афсуски, рейтингдаги тафовут 1/2 финалда ҳам ўз сўзини айтди. Дунёнинг 244-ракеткаси бўлиб турган мезбон теннисчи аренага йиғилган ватандошлари қўллаб-қувватлаши ёрдамида финал йўлланмасини қўлга киритди. Етмиш саккиз дақиқа давом этган баҳсда Сун икки сетда ҳам бир хил ҳисобда ғалаба қозонди - 6/4, 6/4. 

Икки теннисчи учрашувида жами 20 та эйс қайд этилди. Сергей 12, Сун 8 та эйс зарбасига муаллифлик қилди. Қўшхатолар ҳамюртимизда биттага кўпроқ бўлди - 2 га 1. Фомин айни пайтда дунёнинг 383-ракеткаси бўлиб турибди. Бу теннисчиларнинг ўзаро ўтказган иккинчи учрашуви бўлди - 1:1. Фомин ўтган йили Хитойнинг бошқа шаҳридаги турнирда Фажингни мағлуб этган эди.