Биринчи ракеткамиз 32 та эйс ижро этилган баҳсда матч-боллдан чиқиб кетиб, камбэк эвазига зафар қучди

Қувонарлиси, Ўзбекистоннинг биринчи ракеткаси Сергей Фомин ҳозиргина якунига етган 1/8 финал учрашувида ажойиб ғалабани қўлга киритди. Ҳамюртимиз 2 соату 15 дақиқа давом этган драматик баҳсда ATP рейтингида 425-поғонада бораётган австралиялик Моерани Бузигени 1/6, 7/6(9), 6/4 ҳисобида мағлубиятга учратди. Бузиге иккинчи сетнинг тай-брекида матч-боллга эга бўлганди, аммо Фомин бунга йўл қўймади ва якунда камбэк эвазига ғалаба қозонди.  

Таққослаш учун, Фомин айни пайтда дунёнинг 383-ракеткаси бўлиб турибди. Икки теннисчи учрашув давомида оз эмас, кўп эмас, 32 та эйс зарбасини амалга оширди. Сергей 15, австралиялик 17 та эйс зарбасига муаллифлик қилди. Қўшхатолар Бузигега кўпроқ бўлди - 7 га 3. Бу теннисчиларнинг ўзаро ўтказган иккинчи учрашуви эди - 2:0. Ўтган ҳам айнан Хитойда ўтган илк тўқнашувда ҳам Фомин уч сет натижасига кўра зафар қучганди.