Биринчи ракеткамиз қатнаниши керак бўлган турнир иштирокчилари эвакуация қилинади

Мамлакатимизнинг биринчи ракеткаси Сергей Фомин ҳам ушбу турнирда иштирок этиши керак эди. Унинг биринчи даврада россиялик Пётр Бирюковга қарши ўтказилиши белгиланган учрашуви бошқа барча ўйинлари сингари бекор қилинган. Хавфсизлик нуқтаи назаридан мусобақанинг ўзи ҳам ўтказилмайдиган бўлди. 

Беларуслик теннисчи Илья Ивашко ўзининг ижтимоий тармоқдаги саҳифасида Профессионал теннисчилар уюшмаси (АTP) ўйинчиларнинг БААдан йўл харажатларини тўлиқ қоплаб беришини маълум қилди. Аввали теннисчиларга мамлакатни киши бошига 5 000 евро турадиган чартер рейсда тарк этиш таклиф қилинган.

"Ҳозиргина Фужайрадаги турнирнинг барча иштирокчилари бепул эвакуация қилиниши ҳақида тасдиқнома олдим. Барча харажатлар тўлиқ қопланди. Ажойиб иш, АТP!", - деб ёзди Ивашко.