29 фев 10:10
Янгиликлар

Спорт курашлари

Бишкек коронавирус сабаб Осиё квалификацион мусобақаси мезбонлигидан воз кечди

Аввал хабар берганимиздек, 27-29 март кунлари Қирғизистон пойтахти Бишкек шаҳрида спорт курашлари бўйича Токио-2020 Олимпиада йўлланмалари ўйналадиган Осиё квалификацион турнири ўтказилиши керак эди.

Лекин Қирғизистон ҳукумати коронавирус хавфи сабаб ушбу нуфузли мусобақа мезбонлигидан воз кечди. Кеча Швейцарияда жойлашган Бирлашган кураш дунёси (United World Wrestling) федерацияси штаб квартирасидан барча аъзо мамлакат ассоциацияларига бу борада огоҳлантирувчи мактуб жўнатилган.

"Айни пайтда Осиё квалификацион турнирининг қачон ва қаерда ўтказилиши маълум эмас. Келаси ҳафта Халқаро олимпия қўмитаси билан биргаликда бу масалани муҳокама қиламиз ва шундан сўнг янгиликларни етказамиз", - деди Бирлашган кураш дунёси Бош котиби Мишель Дюссон.