Биз биргаликда коронавирусни енгамиз ФОТОРЕПОРТАЖ

Хусусан, юртимиздаги барча спорт таълим муассасалари ҳам машғулотлар вақтинча бекор қилиниб, COVID-19 пандемиясига қарши мунтазам дезинфекция ишлари олиб борилмоқда.

Қашқадарё вилоят жисмоний тарбия ва спорт бошқармасига қарашли спорт мактабларида, жумладан, Чироқчи туманидаги 1-сонли балалар-ўсмирлар спорт мактабида ҳам дезинфекциялаш ишларига алоҳида эътибор қаратилган. Бундан ташқари мазкур 1-БЎСМ жамоаси хайрли ишга қўл ўрди. 

1-БЎСМ директори Фарҳод Жуманов бошчилигидаги мураббийлар бир кунлик иш ҳақларини хайрия тадбири учун ажратишди. Спорт мактаби жамоаси тумандаги Қирғиз, "Янгиқурилиш", "Кунчиқар", "Қаҳрамон", "Жар", "Чоштепа" каби маҳаллаларда, марказий деҳқон бозорида, туман тиббиёт бирлашмасида 5000 донадан ортиқ тиббий ниқоб аҳолига хайрия сифатида бепул тарқатишди.

Илҳом РАҲМОНОВ тайёрлади