“Биз спортни танлаймиз!”

Вилоят жисмоний тарбия ва спорт бошқармаси томонидан ташкил этилган тадбирда давлат ва жамоат ташкилотлари вакиллари, жаҳон чемпионлари, мураббийлар, спортчи-ёшлар иштирок этди.

Мамлакат ва халқаро миқёсдаги мусобақаларда муваффақиятли иштирок этиб келаётган мазкур спорт мактаби тарбияланувчилари жорий йилда ҳам юқори натижаларга эришмоқда. Хусусан, март ойида эркин кураш бўйича Ўзбекистон чемпионатида мактаб ўқувчиси Мадина Усмонжонова ғолиб бўлиб, Сингапурда ўтказиладиган Осиё чемпионатида иштирок этиш учун лицензияни қўлга киритди. 

Апрель ойида пойтахтда бўлиб ўтган ўзбек жанг санъати бўйича Осиё очиқ чемпионатида эса ушбу мактаб ёшлари 3 та олтин, 4 та кумуш ва 5 та бронза медалини қўлга киритди. Умуман, мактаб спортчилари жорий йилнинг биринчи чорагида 12 та олтин, 28 та кумуш, 42 та бронза, жами 82 медалга сазовор бўлди.

Спорт байрамида нуфузли мусобақалар ғолиб ва совриндорларини тақдирлаш маросими ҳам бўлиб ўтди.

Тадбир доирасида спорт мактабида йўлга қўйилган 18 спорт тури бўйича тарбияланувчиларнинг кўргазмали чиқишлари намойиш қилинди.