12 мар 18:09
Янгиликлар

Теннис

BNP Paribas Open. Арина Соболенко Эмма Радукануни енгди

Дунёнинг иккинчи ракеткаси Арина Соболенко Индиан-Уэллсда давом этаётган нуфузли турнирнинг 1/8 финал иштирокчисига айланди.

Беларуслик теннис маликаси учинчи босқичда WTA рейтингида 250-поғонада бораётган британиялик Эмма Радукануни мағлубиятга учратди - 6/3, 7/5. Бу теннисчиларнинг ўзаро илк учрашуви эди.

Тўқсон беш дақиқа давом этган учрашувда Соболенко 8 та эйс, 3 та брейк, Радукану эса 1 тадан эйс зарбаси ҳамда брейкни амалга оширган. Қўшхатолар Эммада кўпроқ бўлди - 4 га 2. Энди Арина BNP Paribas Open 1/8 финалида америкалик Эмма Наваррога қарши кортга чиқади.