18 мар 07:21
Янгиликлар

Теннис

BNP Paribas Open. Федерер финалда Тимга ютқазиб қўйди

АҚШнинг Индиан-Уэллс шаҳри мезбонлик қилган “Мастерс” сериясига кирувчи турнир дунёнинг саккизинчи ракеткаси Доминик Тимнинг ғалабаси билан якунланди.

Австриялик теннисчи ҳал қилувчи финал учрашувида сайёрамизнинг тўртинчи ракеткаси 37 ёшли Рожер Федерерни 3/6, 6/3, 7/5 ҳисобида мағлуб этиб, бош мукофотни боши узра баланд кўтарди. Финал баҳси 2 соату 2 дақиқа давом этди.

Бу 25 ёшли Тимнинг “Мастерс” туркумига кирувчи турнирлардаги илк соврини бўлди. BNP Paribas Open турниридаги муваффақиятли иштирок Тимга 1000 рейтинг очкоси ҳамда 1 миллион 354 010 АҚШ доллари миқдоридаги мукофот пулини тақдим этди.