BNP Paribas Open. Ҳали 18 ёшга тўлмаган Мирра финалга чиқди

WTA рейтингида 11-ўринни эгаллаб турган Мирра Андреева финал чиптасини қўлга киритди. 29 апрель куни 18 ёшга тўладиган россиялик иқтидор эгаси 1/2 финалда дунёнинг иккинчи ракеткаси польшалик Ига Свёнтекни 7/6(1), 1/6, 6/3 ҳисобларида мағлуб этди.

Мирра теннисчиларнинг ўзаро учрашувлари ҳисобида олдинга чиқиб олди - 2:1. Икки соату 18 дақиқа давом этган баҳсда Андреева 5, Свёнтек 4 та эйс зарбасини амалга оширди. Қўшхатолар Миррада биттага кўпроқ бўлди - 4 га 3. Брейклар бўйича Свёнтек устунлик қилди - 5 га 4.