BNP Paribas Open жуфтлик баҳсларида чемпионлар аниқланди

Мусобақанинг жуфтлик баҳсларида чемпионлар аниқланди. Унда сальвадорлик Марсело Аревало ва хорватиялик Мате Павич жуфтлиги бош совринни қўлга киритди. Улар ҳал қилувчи финал баҳсида америкалик Себастьян Корда ҳамда австралиялик Жордан Томпсонни 6/3, 6/4 ҳисобида мағлуб этишди.

Етмиш икки дақиқа давом этган учрашувда Аревало/Павич жуфтлиги 4 та эйс, 2 та брейк қайд этиб, 2 та қўшхатога йўл қўйди. Чемпионлар 457,150 АҚШ доллари миқдорида мукофот пули ҳамда 1000 рейтинг очкоси ишлаб олишди. Корда ва Томпсон эса ўз ҳамёнларини 242,020 долларга бойитиб олиш баробарида 600 рейтинг очкосига ҳам эга чиқишди.