13 мар 10:57
Янгиликлар

Теннис

BNP Paribas Open. Свёнтек 1/4 финал иштирокчисига айланди

АҚШнинг Индиан-Уэлльс шаҳрида теннис бўйича нуфузли WTA турнири давом этмоқда.

Сайёрамизнинг биринчи рақамли теннис маликаси Ига Свёнтек ортиқча қийинчиликсиз мусобақанинг 1/4 финалига йўл олди. Польшалик теннисчи тўртинчи даврада WTA рейтингида 79-поғонада бораётган қозоғистонлик Юлия Путинцевага учта гейм берди, холос - 6/1, 6/2.

Теннисчиларнинг ўзаро учрашувларидаги ҳисоб 3:0 кўринишига келди. Етмиш икки дақиқа давом этган баҳсда Свёнтек 1 та эйс ва 6 та брейкни амалга ошириб, 1 та қўшхатога йўл қўйди. Энди у WTA 1000 турнири 1/4 финалида даниялик Каролин Возняцкига қарши кортга чиқади.