Бобоусмон Батуровнинг жангида дуранг қайд этилди

Мазкур жанг оқшоми доирасида ҳамюртимиз Бобоусмон Батуров ҳам рингга кўтарилди. Ушбу жангда Бобоусмонга Конго Демократик Республикаси вакили Майкл Кинг рақиблик қилди. 

8 раундга мўлжалланган жанг тўлиқ давом этди. Баҳс якунига кўра, ҳакамлар дуранг қайд этишди (76-74 Батуров, 78-72 Кинг, 75-75 дуранг).

Маълумот учун, бу Батуров учун проф боксдаги 5-жанг бўлди. У жангларининг учтасида ғалаба қозонган. Бугун фаолиятидаги 2-дурангни қайд этди. Кинг эса 9-жангини ўтказди. У бунгача 6 та ғалаба ва 2 та мағлубият қайд этганди. 

Аввалроқ ушбу бокс оқшоми доирасида ҳамюртимиз Саиджамшид Жафаров ўз жангини ўтказиб, ғалабага эришганди. Бироздан сўнг эса Одилжон Аслонов WBA Asia камари учун россиялик Никита Зонга қарши баҳс олиб боради.