18 мар 10:26
Янгиликлар

Бокс/ММА

Бобоусмон Батуровнинг проф боксдаги навбатдаги жанги эълон қилинди + ПОСТЕР

Чарм қўлқоп устамиз профессионал боксдаги еттинчи жангида рингга кўтарилади.

30 март куни Жиззах шаҳрида Evolution Boxing Promotion промоутерлик компанияси томонидан проф бокс оқшоми ўтказилади.

Унинг доирасида жиззахлик боксчимиз Бобоусмон Батуровнинг ҳам рингга кўтарилиши маълум бўлди. Унга яна бир ҳамюртимиз — Шоҳрух Ашуров рақиб бўлади. Жанг супер ярим ўрта вазн тоифасида (69.9 кг) ташкил этилади.

Таъкидлаш жоиз, Батуров проф фаолияти давомида ҳозирга қадар 6 та жанг ўтказиб, 4 та ғалаба ва 2 та дуранг қайд этган. Бобоусмон ўзининг охирги жангини ўтган йилнинг октябрь ойида қирғизистонлик Жаркинбек Жакипбек уулуга қарши ўтказиб, очколар ҳисобига кўра ғалаба қозонган эди.