Бочча бўйича илк марта ўтказилган Ўзбекистон чемпионати якунланди

Тошкент шаҳрида бочча спорт тури бўйича Ўзбекистон очиқ чемпионати бўлиб ўтди. Ушбу мусобақада юртимизнинг турли худудларидан жами 30 нафарга яқин жисмоний имконияти чекланган ва ногиронлиги бўлган спортчилар иштирок этди.

Ушбу мусобақа юртимизда янги ривожланаётган спорт турларидан бири ҳисобланган бочча бўйича биринчи Ўзбекистон чемпионати сифатида тарихга кирди. Унда қуйидаги спортчилар ғолиб ва совриндорлар қаторидан жой олди:

BC1 (эркаклар)

1.Ҳусан Расулов

2.Ҳасан Тошпўлатов

3.Оғабек Эгамбердиев

BC1 (аёллар)

1.Мунира Абдуллаева

2.Саодат Султонова

3.Дилафруз Эргашбоева

BC2 (эркаклар)

1.Низом Ҳайриддинов

2.Жасур Ходжаев

3.Антон Недвиг

BC2 (аёллар)

1.Турсуной Бебитова

2.Райҳона Тошматова

3.Диннура Абдукабирова

Мусобақанинг тақдирлаш маросимида Ўзбекистон Миллий паралимпия қўмитаси раиси Мухторхон Ташходжаев иштирок этди ва барча спортчиларни самимий табриклаб, уларни келажакда нуфузли мусобақаларда юртимиз шарафини муносиб ҳимоя қилишга чорлади.

Мусобақа ғолиб ва совриндорлари ташкилотчилар томонидан медаль, махсус диплом ва эсдалик совғалари билан тақдирланди. 

Таъкидлаш керакки, ушбу Ўзбекистон очиқ чемпионати келажакда бочча спорт тури бўйича Ўзбекистон терма жамоасига аъзо ва номзод спортчиларни саралаб олишда муҳим аҳамият касб этади.