05 мар 15:01
Янгиликлар

Бокс/ММА

Богдан Гусков дўстининг жанги бекор қилинди

28 ёшли жангчи 28 март куни АҚШнинг Сиэтль шаҳрида ўтказиладиган UFC Fight Night 271 турнирида октагонга чиқиши керак эди.

Россиянинг "GOR MMA" клуби вакили, оғир вазн тоифасидаги бразилиялик Вальтер Уокер ушбу турнир иштирокчилари сафидан чиқди. Маълумотларга кўра, ташкилот матчмейкерлари аллақачон Марчин Тибурага янги рақиб топишган, унинг номи кейинроқ эълон қилинади.

Уокер тўртта муддатидан олдин қозонилган ғалабали серия билан келмоқда. Ўтган йилнинг октябрь ойида "Монстр"нинг сўнгги қурбони ташкилотнинг янги аъзоси Луи Сазерленд бўлганди. Бразилиялик бир ярим дақиқада уни таслим этган эди.

Шу йилнинг февраль ойида Майамида бўлиб ўтган Karate Combat 59 турнирида UFC оғир вазн тоифаси рейтингида ўн тўртинчи ўринни эгаллаб турган Вальтер грепплинг бўйича баҳсда оёқсиз америкалик Зайан Кларкни бўғиш усулида енгди.