19 июл 08:22
Янгиликлар

Бокс/ММА

Богдан Гусков UFC'га Нурсултоннинг менежери Али Абдел-Азиз орқали ўтди

Кеча яримоғир вазн тоифасида ўзбекистонлик аралаш яккакураш устаси Богдан Гусковнинг UFC'га қўшилгани ҳақида хабар берган эдик.

Маълум бўлишича, Гусков таниқли менежер Али Абдел-Азиз раҳбарлик қилувчи Dominance MMA компанияси мижозига айланган ва шу орқали UFC'га қўшилган.

"Биз Ўзбекистоннинг иқтидорли ва ҳар доим ҳаяжонга бой бўлган спортчиси - Богдан Гусковни 100 % финишли кўрсаткичи билан ўз истеъдодини UFC'га кўчираётганини эълон қилишдан мамнунмиз", - дейилади компания хабарида.

Гусков UFC'даги илк жангини 3 сентябрь куни Францияда ўтказади. Унга ким рақиблик қилиши ҳозирча маълум эмас.

Эслатиб ўтамиз, аввалроқ, яна бир ҳамюртимиз Нурсултон Рўзибоев ҳам айнан Dominance MMA компанияси орқали UFC аъзосига айланган эди.