Бокудаги UFC турнирининг асосий жанги маълум

Ўрта вазн тоифасида Германия шарафини ҳимоя қилувчи асли доғистонлик Абусупиян Магомедов ҳамда польшалик Михал Олексийчук ўртасидаги жанг 27 июнь куни Бокуда бўлиб ўтадиган UFC турнирининг асосий воқеаси бўлади.

35 ёшли Абусупиян Магомедов ўтган йилнинг октябрь ойида Жо Пайферга иккинчи раундда ютқазиб қўйганди. Ўшанда Жо Магомедовни бўғиб қўйганди. Бу билан у учта ғалабали сериясини тўхтатган эди.

31 ёшли Михал Олексийчук эса, аксинча, кетма-кет учта жангда ғалаба қозониб, ўзига хос серия билан келмоқда. У Седрик Дюма ва Жералд Мёршартни техник нокаутга учратди, шунингдек, ҳакамларнинг якдил қарори билан Марк-Андре Барриони мағлуб этди.

Айни пайтда жангчиларнинг ҳеч бири UFC ўрта вазн тоифаси рейтингида кучли 15 таликка кирмаган. Абусупиян Магомедовнинг ҳамюртимиз Маҳмуд Мурадовга қарши бир неча бор белгиланиб, турли сабабларга кўра ўтказилмай қолганди.