26 апр 17:50
Янгиликлар

Футбол

Болакай футболчининг хотинига совға қилаётган либосини "илиб кетди" ФОТО+ВИДЕО

"Бешиктош"нинг "Аланьяспор"ни 3:0 ҳисобида мағлуб этган ўйинидан сўнг Милот Рашица либосини рафиқасига қараб улоқтирди, аммо ўртага қўшилган митти мухлис уни ҳаводаёқ илиб олди ва ўзиники қилди.

Воқеанинг энг қизиқ ва кулгили томони эса Рашицанинг ҳолат юзасидан берган изоҳи бўлди: "Рафиқам формани туғилган кунини нишонлаётган бошқа бир болага бермоқчи эди, аммо бу болакай уни илиб кетди".

Ижтимоий тармоқдаги видеоларга кўра, "тадбиркор" болакай либосни 6 000 лира (тахминан 1 миллион 600 минг сўм)га сотмоқчи.