Муҳаммад Салоҳнинг эҳтимолий янги клуби маълум бўлди

Бу ҳақда туркиялик журналист Кая Темел хабар берди.

Манбанинг маълумотларига кўра, томонлар ўртасида бўлажак келишувнинг молиявий шартлари бўйича ҳали ҳам жиддий келишмовчиликлар мавжуд, бироқ музокаралар давом этмоқда.

Қайд этилишича, мисрлик футболчининг агенти Истанбулга етиб келган ва у ерда потенциал трансферни муҳокама қилиш учун "Бешиктош" вакиллари билан шахсан учрашув ўтказиши мумкин.

Салоҳ "Ливерпуль" таркибида тўққиз мавсумни ўтказди ва жамоа билан бирга Чемпионлар лигаси, АПЛ, Англия кубоги ва УЕФА Суперкубогида ғолиб чиқди. Якунланган мавсумда мисрлик футболчи 41 та ўйинда майдонга тушиб, 12 та гол урди ва 10 та голли узатмани амалга оширди. Transfermarkt портали 34 ёшли Салоҳни 22 миллион еврога баҳоламоқда. Муҳаммад яқинда эркин агентга айланган эди.