Болалар спортига эътибор

Соғ танда - соғлом ақл деганларидек, бугунги кунда болалар спортига берилаётган эътибор минглаб ёшларнинг жисмонан соғлом бўлиб вояга етишида муҳим омил бўлмоқда.

Шу кунларда бутун республика бўйлаб маҳалла болалари ўртасида ташкил этилаётган “Чарм тўп”, “Футболимиз келажаги” ва “Маҳаллада футбол” мусобақаларининг Миробод тумани босқичида ҳам кўплаб болалар ва ўсмирлар иштирок этишмоқда.

Миробод туман Жисмоний тарбия ва спорт бўлими ва Маҳалла ва оилани қўллаб-қувватлаш бўлими ҳамкорлигида тумандаги 1 ва 2-сонли Болалар ва ўсмирлар спорт мактабида ўтказилган “Чарм тўп”, “Футболимиз келажаги” ва “Маҳаллада футбол”  мусобақаларида туман босқичида ғолиб чиққан жамоалар чемпионлик учун кураш олиб боришди.

Миробод туман ҳокимлиги Матбуот хизмати