Болаларга беринг дунёни... ФОТОРЕПОРТАЖ

Тадбирга Тошкент шаҳар Учтепа тумани “Алихонтўра Соғуний” ва “Ватанпарвар” маҳалласида истиқомат қилаётган уюшмаган ёшларнинг фарзандлари ҳам ташриф буюрди.

“Миллий тикланиш” демократик партияси Мирзо Улуғбек туман Кенгаши билан ҳамкорликда тайёрланган тадбирда иқтидорли ўғил-қизлар “Озод ва обод юрт”, “Менинг оилам - менинг фахрим”, “Бутун олам ранглари жилоси”, “Менинг дадам Ватан ҳимоячиси” мавзуларида расм чизиш, шеър айтиш, қўшиқ куйлаш, рақсга тушиш, чолғу асбобларини чалиш каби маънавий-маърифий тадбирларда беллашдилар.

Шунингдек, шижоатга тўлиб турган ёшлар велопойга, шахмат-шашка, стол тенниси, сузиш, саватчага тўп отиш, оддий усулларда тўп билан югуриш каби спорт турлари бўйича ҳам куч синашдилар.

“Ҳалқаро болаларни ҳимоя қилиш куни” муносабати билан барча иштирокчилар “Шарафли касб эгасининг фарзандлари” махсус тайёрланган совғалар, диплом ва кўкрак нишонлари билан тақдирланди. Шу билан бир қаторда, фарзандларида ногиронлиги бўлган ҳарбий хизматчиларнинг оилаларига ташрифлар уюштирилиб, уларга совға саломлар улашилди.

Тадбирдан кейин Ўзбекистон Республикаси Қуролли Кучлари академиясида яратилган шарт-шароитлар билан таништириш мақсадида экскурсия ташкил этилди. Ёшлар Академия фаолияти билан танишиб, чуқур таассуротларга эга бўлдилар.

Дилдора Абдурахмонова, Ўзбекистон Республикаси Қуролли Кучлари академиясининг Хотин қизлар ва ҳарбий хизматчиларнинг оила-аъзолари билан ишлаш  етакчиси

Суратлар муаллифи - Алимурод Мамадаминов, ўз мухбиримиз